"Балалар әдебиеті - рухани тәрбие бастауы", "Балалар кітапханасы" бағдарламасы аясында 23 сәуір Ұлттық кітап күніне орай Б.Биболатұлы атындағы жалпы білім беретін мектебінде кітапханашы А.Досалиева, тәлімгер Б.Жапабаева мен қазақ тілі пәнінің мұғалімі Г.Есқараеваның ұйымдастырумен 7 сынып оқушылары арасында "Жыр алыбы -Жамбыл" тақырыбында Жамбыл Жабаевтың туғанына 180 жыл толуына орай поэзия сағаты өткізілді.
Жамбыл – айтыстың хас шебері. Оның Сүйінбайдан бата алып, үлкен өнер жолына түсуі – қазақ әдебиеті тарихындағы маңызды кезеңдердің бірі.Ұлы Отан соғысы жылдарында Жамбылдың жалынды жырлары халыққа рух берді. Оның «Ленинградтық өренім!» өлеңі бүкіл елге кеңінен таралып, жауынгерлерге күш-жігер сыйлады.
Жамбыл Жабаев – ғасырдан асқан ғұмырында халықтың үні, елдің жыршысы бола білді. Оның мұрасы – бүгінгі ұрпақ үшін рухани қазына.
Мақсаты: Жамбыл Жабаевтың 180 жылдық мерейтойын атап өту арқылы оның бай мұрасын насихаттау, жас ұрпаққа ақынның шығармашылығын таныстыру, ұлттық құндылықтарды дәріптеу және рухани тәрбие беру.
