Б.Биболатұлы атындағы жалпы білім беретін мектебінде "Ер есімі – ел есінде " атты тәрбиелік іс-шара өткізілді.
Іс-шара барысында оқушыларға елін қорғаған батырлардың ерлігі туралы мәліметтер беріліп, олардың Отан алдындағы жанқиярлық еңбегі насихатталды. Жас ұрпаққа патриоттық тәрбие беру, батырлар ерлігін үлгі ету мақсатында танымдық жұмыстар ұйымдастырылды.
Оқушылар Бауыржан Момышұлы, Әлия Молдағұлова, Мәншүк Мәметова сынды қаһармандардың өмір жолымен танысып, ерлік туралы өлеңдер оқып, өз ойларымен бөлісті.
Мақсаты – өскелең ұрпақтың бойына отансүйгіштік қасиет қалыптастыру, тарихи тұлғаларды құрметтеуге тәрбиелеу.
