Түркістан облысы, Төлеби ауданы білім бөлімінің Б. Биболатұлы атындағы ЖББМ
Улы газдан сақтану – өмір қауіпсіздігінің негізі
Түркістан облысы,Төлеби ауданы әкімінің орынбасарының 01.12.25ж № 4652 хатына сәйкес" мектебімізде оқушылардың өмір қауіпсіздігін сақтау мақсатында “Улы газбен өрт қауіпсіздігінің алдын алу” бойынша түсіндірме жұмыстары жүргізілді. Аталған іс-шараны АӘД пәнінің мұғалімі Б. Асенов пен КББП В. Садыбекова ұйымдастырып, оқушыларға тұрмыста жиі кездесетін улы газдың (көміртек тотығы) адам ағзасына әсері мен одан сақтану жолдары туралы кеңінен мәлімет берілді.
Түсіндірме жұмысы кезінде ұстаздар улы газдың иіссіз, түссіз болатынын, оны дер кезінде байқау мүмкін еместігін, сондықтан әрбір оқушы мен отбасы мүшесі қауіпсіздік ережелерін қатаң сақтауы тиіс екенін түсіндірді. Сонымен қатар, көмір жағатын пештерді дұрыс пайдалану, желдету жүйесін жиі тексеріп отыру, бөлмені желдету, улы газ анықтайтын құрылғыларды қолдану секілді алдын алу шараларына баса назар аударылды.
Бұл шара оқушылардың қауіпсіздік мәдениетін қалыптастыруға, төтенше жағдайлар кезіндегі дұрыс әрекет ету дағдыларын дамытуға бағытталды және де мектеп қызметкерлерімен "Өзіңнен баста" жалпы халықтық акциясы ұйымдастырылды.
Мұндай түсіндірме жұмыстары оқу жылы бойы жоспарлы түрде жалғасатын болады.
